أوامر بيادق اليوتوب: زول الملك من الهجوم وركز على الأمن.. والسبب؟ الفشل الذريع!

ما بقاتش شي حاجة خافية، كاين أوامر نازلة من اللي كيتحكم

فبيادق المعارضة ديال اليوتوب، باش يبعدو الملك من خُطَبهم وخرجاتهم، حيت فشلاتهم كاملين باش يضربو المؤسسة الملكية أو يفرقوها على الشعب، ولا يفصلوها على المؤسسات السيادية اللي خدامة كتف فكتف مع جلالة الملك.

دابا قلبو الطرح وبداو كيركزو على المؤسسة الأمنية، اللي هي خط الدفاع القوي والراسخ ضد مؤامرات أعداء المغرب وخرجاتهم باش يزعزعو الاستقرار ديال البلاد. منين ما جابت إشاعة “محاولة انقلاب” حتى نتيجة، مشاو يهاجمو السي حموشي ويدخلو سميتو فكل كبيرة وصغيرة، وكأنهم تيقولو “طاحت الصمعة علقو الحجام”.

واخا عارفين مزيان أن السي عبد اللطيف حموشي عندو الثقة الكاملة ديال سيدنا، اللي عطاه مسؤولية جوج مؤسسات حساسة وقلدو أوسمة رفيعة، ومغاربة الداخل والخارج كيعرفو الكفاءة والنزاهة ديالو، وكاينين اللي كيتسابقو غير باش يسلمو عليه ولا يتصورو معاه.

من جهة أخرى، خرج لينا الإرهابي اللي عايش على حساب دافعي الضرائب فـ ألمانيا، محمد حاجب، وبدل ما يهضر على المجازر فغزة، بقى ساكت بحال اللي بلعاتو الأرض، خايف من ألمانيا اللي كتوفر ليه الحماية، مع أنه حتى هي كانت فضحاتو وكشفت أنه باغي يمشي لأفغانستان ويلتحق بتنظيمات إرهابية، ورفضات تعويضو حيث عندها عليه الدلائل الكافية.

دابا حاجب ولا داير بحال صاحبو جيراندو، بغاو يديرو ابتزاز واضح: يا تعطيوهم “رشوة” باش يسكتو، يا غادي يبقاو يخدمو أعداء المغرب ويدمرو سُمعتو. عايشين على الأكاذيب و”اللايفات” والتخاريف، وكيسحاب ليهم أنهم غادي يضغطو على الدولة باختراق ولا إشاعة، ولكن راه المغرب ما كيركعش لا للإرهابيين لا للمرتزقة.

المغرب دولة عريقة، وعارفة مزيان شكون خدام الوطن وشكون خدام الأجندات، وهاد البيادق مهما نفخو فيهم، ما غاديش يقلبو الموازين. الدولة غادة فالطريق الصحيح، وما غاديش تفاوض اللي باعو شرفهم مقابل المال ولا الشهرة الزائفة.

#محمد_حاجب

#جيراندو

#بيادق_الابتزاز

#حموشي_خط_أحمر

#المغرب_فوق_رؤوسكم