واش فراسكم ان بنكيران هو لي وافق لاخنوش باش يدعي توفيق بوعشرين
لا يلدغ المؤمن من الجحر مرتين، انا اتفهمكم الخوت ومن حقكم ربما دعم بنكيران ضد فأخنوش، كيف دعمتو اخنوش فالانتخابات لي فاتت وصوتتو تصويت عقابي ضد حكومة حزب العدالة...
وربما نسيتو ما قام به بنكيران لان 10 سنوات ممكن تخلي الناس تنسا، ماشي غير لي عندو ذاكرة السمكة.
ولكن لي عاقل عليه انا مزيان لانني طنت كندير فيديوهات عليه، هو ان بنكيران تخلى على كلشي على كلشي دون اي مقاومة كان يدعيها وصنع لنا اخنوش وجعل منه وحش لا يقهر
- على سبيل المثال
واش فراسكم ان بنكيران هو لي وافق لاخنوش باش يدعي توفيق بوعشرين لي ككان كيدافع على حق بنكيران وحزبه في الحكم بدون عراقيل، ودار بنكيران لبوعشرين كيف دار اخنوش للمهداوي مع وهبي، غير الفرق ان المهداوي لا يدافع على اخنوش.
واش كاين شي خسة ونذالة وهوان كتر من هذا
- واش عاقل ان بنكيران هو لي سمح لاخنوش يسيطر على صندوق التنمية القروي وخدا ملاييير ممليرة عطاها دعم للناس ديالو وشراهم ودار شبكة بالدعم استعملها لاحقا فالانتخابات ، وبنكيران كيف صرح بفمو نهار عرف ان اخنوش سيطر على الصندوق مهدرش حتى معاه، وهاد الشي كلو لا علاقة
- واش عاقلين ان بنكيران هو لي ناض ف20 فبراير وقال انا لها ، صوتو عليا وغادي نبدل شوية السياسات ونحيد هادي وهادي ويلا مقدرتش نحط السوارت،
وملي طلع ناضت الداخلية خلات دار الشعب والاساتذة وكلشي بالعصا فالشوارع، وداروها ضدو باش الشعب يقولو السي محمد ها فرصة للمواجهة اما تنتصر لينا وتصيطر على المؤسسات وتاخد الصلاحيات ، او تدخل لمصنع الدواجن، شنو دغر هو خرج يدافع على الداخلية والقمع فالشوارع لي كان ضدو، وهاديك كانت نقطة فاصلة قالت فيعا الداهلية انا لكنحكم ماشي نتا، ولو انه انتصر وواجه في تلك المرحلة وقال انا ضد قمع مضاهرات سلمية كان الامر غادي يطلع عند الملك واما بخرج بحالو او يقولو للداخلية بحال هاد الامور خص تتشاورو فيها مع رئيس الحكومة حيت عندها علاقة بصورتو وكان غادي يمارس صلاحياتو اكثر ومتبقاش الداخلية فوق رئيس الحكومة، ولكن الداخلية عي لي انتصرت وبان الاثر ديال هاد الشي من بعد فحكومة العثماني لي وزير الداخلية مبقاش يعلم رئيس الحكومة كاع واخيانا يوبخه تقريبا، وتم طحن الريف وسجن الصحفيون ...... كل هذا بسبب انبطاح بنكيران لم ينبطح امام الاتحاد الاشتراكي لكنه انبطح امام التحكم والقمع وتخلى عن صلاحياته، وهو ما قال للناس ف 20 فبراير انا لها.
بلا منهدرو على تصريحاته التافهة لي قال فيها انه خص تتحسن ضروفهم المادية او منخدمش معاكم في حين فرض التعاقد على الاساتذة،
وفنفس لوقت دار اول عملية فراقشية ملي حرر اسعار المحروقات لي مكانت تا شي حكومة قادرة تقرب ليها وهو استغل شرعيته الانتخابية وثقة الناس فيه وقال انا غادي نحررها ونعطي دعم مباشر، ولي دار هو انه حررها فقط ومعطا والو ولم يضع قانون ولا اي الية لمراقبة اسعار المحروقات قبل ميضغط على زر التحرير، وهادي هي اكبر جر،يمة تسبب في انفجار الاسعار من داك النهار لليوم وانفجر،ت ايضا ثروة اخنوش لي ربح كتر من 50 مليار درهم الى الان
واش كان قرار متسرع زعما او غبي او تكونيبة او كلاخ
كيفاش تحرر قبل وضع تسقيف او قانون او نسبة او طريقة تسد الطريق على حرية الشركات في رفع الاسعار
بنكيران خدم اخنوش وصنع له ثروة جديدة وعطاه صناديق مالية سمح لو فيها بكل بساطة وبسكات وعطاه مكانة وجعله موزع الدعم الذي صنع به امبراطورية او شبكة تشبه المافيا
هي لي وصلاتو للحكومة وخلاتو لا يقهر انتخابيا اليوم
بنكيران خدم اخنوش وانقلب على الشعب وخدم المخزن وانتصر للقمع في مفترق طرق عندما كان عليه ان يختار بين الشعب الذي صوت عليه وبين السلطة لي محاملاهش كاع وتنظم مسيرة ولد زروال ضده وهو بكل خسة ونذالة اختار الدفاع على السلطة وانقلب على الشعب
ودابا هاد المنقلب هاد ولد العبد... يجي يقولبني انا مرة اخرى، انا لا اصوت ولكن مغاديش يقولبني حتى على مستوى الاحساس وخا غير ضد فاخنوش مغاديش نستعمل بنكيران، اقذر سياسي فتاريخ المغرب ، علاش حيت الاخرون كانو ديما مع السلطة لم ينقلبو على السعب معروفين، الا بنكيران وزيد عليه حتى اليوسفي هاد الجوج فقط فتاريخ المغرب هونا الي انقلبو على الشعب وخصوصا بنكيران
وطحن الشعب وخان الشعب وتخلى عن الشعب وخدم السلطة، داك الشي لاش عطاتو 7 مليون ريع بحال الكريمات لي كان كيقول غادي يحيدها وخدا كريمة ريع 7 مليون وقالك هدية من الملك، على مال كريمة ملي كيعطيها الملك لمواطن ماشي هدية وعلاش كنتي ضدها كنتي ضد هدايا الملك
اما 7 مليون ديالك هي الهدية لي مخصناش ننتاقدوها
اخوتي انا احترم قراراتكم ودوافعكم باش تدعمو اليوم بنكيران، ولكن انا حاولت غير ضد فاخنوش ولكن مقدرتش، الان بنكيران هو صانع اخنوش هو لي عطاه وفششو وتهلا فيه وطحن الشعب
داك الشي لاش منقدرش ندعم بنكيران ولو غير ضد او غير لعب، انه من فوت اهم فرصة فتاريخ المغرب باش نوليو بلد حقوق وقانون ودمقراطية وقال انا لعا ثوتو عبيا ونطبق مطالبكم وملي طلع دار العكس وانقلب على الشعب وخدم اخنوش والسلطة وقدم لهم خدمات جلية مقابل 7 مليون كريمة
والله يخليها سلعة
رايكم
ليست هناك تعليقات